- 605 -

1432. Feb. 1. Liegnitz.

Bürgermeister und Rathmannen zu Liegnitz bekennen, 8 M. jährl. Zinses wiederkäuflich um 100 M. Gr. der Katharina Becker verkauft zu haben, die nach ihrem Tode den Bewohnern des Altaristen-Hauses in der Petersgasse zufallen sollen.

In gotis namen amen. Wir burgermeister vnd ratmanne der stat Legnicz Hanns Girdan, Niclas Elle, Pawil von der Heide, Niclas Poppelaw, Niclas Rymberg vnd Francze Tisschner bekennen offintlich, in desem briue allin, die en sehen, horen adir lesen, das wir von gebote vnd befelunge des hochgebornen ffurstin vnd herren, hern Lodwigis herczogin in Slesien, herren zu Legnicz vnd czum Brige etc. vnsers gnedigen herren vnd ouch mit gemeynen rate, wissen vnd willen der eldisten der geswornen allir hantwerke vnd der ganczen gemeynen der stat Legnicz recht vnd redelich vorkauft habin off dy vorgenante stat Legnicz der toguntsamen frawen Katherinen Beckerynne dy weyle sy lebit zu habin, zu hebin vnd zu gebruchin vnd noch irem tode zu dem howse der altaristen zu Legnicz in sente Petirs gasse, bey dem marstalle zuneste gelegin, des wir vnd vnsere nochkomen . . ratmanne erbliche vnd ewige regirer vnd vorweser siend vnd sien sollen, den altaristen dorynne wonende mit vnserm willen dy nochgeschrebin czinse zugebin vnd vorczureichen, dorumme dassy alle wochin leseen vnd bestellen sollen eyne vigilie mit newen lexien vnd eyne requiem vnd eyne messe vom hilgen lichnam am frytage dy passio vnd an sonnabunde eyne messe von vnser frawen, noch rate vnd willen des rates vnd der eldisten der schutczin zu Legnicz vnd ap leichte in dem selbin howse nicht pristere adir altaristen weren, die dese ding also noch willen bestellin mochten, so mogen vnd sollin wir vnd vnsere nachkomen . . ratmannen mit den eldesten der schutczin durch andere priestere das bestellen bis also lange, das an den inwonenden pristeren vnd altaristen nymmer wirt gebrechin. Auch so sollin alle desselbin howsis inwonende pristere alle quatirtempir gedechtnisse haldin mit vigilien vnd messen vor dy stiffter desir sachin, nemlich acht marg geldis ierlichis czinses zuwedirkauffe vmb hundirt marg grosschin igliche marg vmb dryczehende halbe. Dasselbe gelt, das wir also empfangin, habin wir an der stat mergliche bawe vnd notcze dy beide vnser forfarn ratmanne vnd ouch wir geton vnd wedir dy vnglewbigen ketczerer zu Behem vorsoldit habin, habin gewendit; den selbin czins, dy acht marg geld, globin wir vorgenanten burgermeister vnd ratmanne mit allen vnsern nochkomen in gutm trawen vnd ane argelist der seibin frawen Katherinen, dy weile sy lebit vnd noch irem tode den altaristen desselbin howsis als obene geschrebenen steet vry allir beswerunge, beten vnd vngeld vnd auch ane vorbitunge vnd vorsperrunge vnserer herren der furstin vnd irer anewaldin vnd mit namen ane hindernis eyner iglichen personen gutlich vnd liplich.alle iar, dy weile her nicht wedir gekauft wird off igliche quatirtempir des jares czwu marg zugebin vnd zu leisten vnd vff dy nestkomenen, als man in der kirchin gotis singet Karitas etc. anczuhebin; geschee abir, das frawen Katherinen egenante adir noch irem tode den altaristen als obene geschrebene stet, der vorgenante czins off dy vorbeschrebenen tage, wenne sich das geborte nicht gegebin worde noch geleistet, so sal der burgermeister mit czween ratmannen zu der czeit zu hand obir virczeen tagen noch der ersten manunge, wenne dy geschiet vnd sy syn nicht lengir vorbasmer beiten noch emperen wollen, zu Legnicz off das rothows geen vnd nymmer von dannen komen, eyn recht gewohnlich inlegir do leistende, also lange, bis en der vorsessene vnuorguldene czins gancz vnd gar wirt beczalit; auch mogen wir vnd vnsere nochkomen . . ratmanne den czins wedir abekewffen, wenne wir das zurate werdin vmb hundert marg guter, genger vnd gebir Bemisscher grosschin Pollnischer czal vnd wenne das geschiet, so sollin wir vmb dasselbe gelt andere czinse kewffin an desir czinse stat, wo wir dy allir gewiste gehabin mogen vnd dy vorschreben lasenn zu solchen obengeschrebin sachin gleich noch dicz briues lowte. Czu geczewgnis vnd bestetigunge habin wir der stat Legnicz grostis ingesigil hiran lasen hangen am obunde vnser libin frawin tage lichtewey, noch Cristi gebort virczenhundert im czweivnddrysigistin jaren.

Orig. Kgl Bibl. z. Berl. Ms. Boruss. f. 565 No. 3, ohne Siegel.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866